Қызылорда облысы бойынша ҚАЖ департаментінің №37 мекемесінің психолог маманы Ақгүл Аманова сотталғанның әйеліне психологиялық көмек көрсетті. Сотталған Е.есімді азамат жол-көлік оқиғасын жасап, сот үкімімен 6 ай мерзімге бас бостандығынан айырылған. Жуырда мекемеге жазасын өтеуге жіберілген азаматқа психологиялық көмек түрлері көрсетілуде. Бүгін осы азаматтың әйелі мекемеге жолдасымен қысқа мерзімді кездесуге келген. Психолог маманмен сөйлескен сотталғанның әйелі балалары әкесін сұрап қайта –қайта сұрайтынын, ұзақ жұмысқа кетті деп балаларымды жұбатамын дейді.
Сол күні ішімдік ішкен жолдасым көршінің ауласына машинамен соғып, біраз зақым келтірген. Осы жағдайдың бәрі сол ішімдіктің кесірі. Енді міне темір торда отыр. Балаларым әкесін сағынып іздейді. Телефонмен күнде сөйлесіп тұрамыз. Бүгін қысқа мерзімді кездесуге келіп, жағдайын білдім. Өзіме де психологтың көмегі қажет еді. Маманмен сөйлесіп мұңымды айтып, бір жеңілдеп қалдым. Мекеме психологы Ақгүл ханымға алғысым шексіз»,- деді сотталғаннның әйелі.
