Елордалық түзеу мекемесінде «Білім күні» атап өтілді

2023 жылдың 01 қыркүйегінде №2 мекемесінің жанындағы сотталғандарға арналған жалпы білім беретін мектебі мен агротехникалық колледжінде дәстүрлі түрде салтанатты сап түзеу өтті. Биылғы оқу жылында жалпы білім беретін мектептің 16 оқушысы мен орта арнаулы білім алғысы келетін 84 сотталушы өз партасына отырады.
Оқу жылының басталуы сотталғандар арасында жаңа эмоциялар толқынын әкелді, себебі бұл күні сотталғандар арасындағы тәрбие және әлеуметтік психологиялық жұмыс бөлімі сотталғандар арасында адамгершілік ахуалды жақсартуға және көңіл-күйді көтеруге бағытталған іс-шара ұйымдастырды.
Мектеп директоры А.Қанутбаевқа сөз беріліп, жалпы білім беретін мектеп ұжымдағы адамгершілік ахуалды жақсартуға үлес қосып жатқанын айта келе, оқушыларға алдағы оқуларына сәттілік тіледі. Мектеп директорына жылы лебіздер айтылып, сотталғандардың білім алуына бар күш-жігерлерін салу мақсатында қоштасу сөздері айтылды, ал әкімшілік өз кезегінде оқу үдерісінің нәтижелі өтуіне бар күш-жігерін салады.