Мерекелік шара қызмет бабында қайтыс болған полиция қызметкерлеріне арналған ескерткішіне гүл қоюмен басталды. Гүл шоқтарын қою рәсімі аяқталғаннан кейін шараға қатысушылар қаза болған ішкі істер органдары қызметкерлерінің рухына арнап бір минуттық үнсіздік жариялады.
Салтанатты шараға сала ардагерлері, мекеме бастықтары, жеке құрамы және 5517 әскери бөлімінің басшылығы қатысты.
Саптық алаңға мемлекеттік ту әкелініп, әнұран шырқалып, БҚО бойынша ҚАЖ департаменті бастығы әділет полковнигі М.Габдуллин жеке құрамды мерекемен құттықтағаннан соң ҚР Ішкі істер министрі полиция генерал-полковнигі М.Ахметжановтің атынан жеке құрамға төсбелгілер және медальдар берілді.
Сондай-ақ ҚР ІІМ ҚАЖ комитеті, БҚО бойынша ҚАЖ департаменті, БҚО бойынша полиция департаментінің жеке құрамды марапаттау жайлы бұйрықтары оқылды.