Қызылорда облысының кәмелетке толмағандардың істері жөніндегі мамандандырылған ауданаралық сотында Қазақстан Республикасы Әкімшілік құқық бұзушылық туралы Кодексінің 442-бабының 3-бөлігімен азаматша Д.-ға қатысты іс қаралды.
Әкімшілік құқық бұзушылық туралы хаттамаға сәйкес,азаматша Д. тәрбиесіндегі кәмелетке толмаған Б.-ның сағат 01:00 уақыт шамасында заңды өкілінің еріп жүруінсіз болуына жол берген.
Азаматша Д. 2023 жылы Қазақстан Республикасы Әкімшілік құқық бұзушылық туралы кодексінің 442-бабының 3-бөлігімен әкімшілік жазаға тартылған.
Қазақстан Республикасы Әкімшілік құқық бұзушылық туралы кодексінің 442-бабының 3-бөлігінде кәмелетке толмағандардың түнгі уақытта заңды өкілдерінің еріп жүруінсіз сағат 22-ден таңғы 6-ға дейін ойын-сауық мекемелерінде болғаны және заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болғаны үшін әкімшілік жаза қолданылғаннан кейін бір жыл ішінде қайталап жасалған әрекеттер үшін әкімшілік жауаптылық көзделген.
Сот қаулысымен азаматша Д. Қазақстан Республикасы Қазақстан Республикасы Әкімшілік құқық бұзушылық туралы кодексінің 442-бабының 3-бөлігімен кінәлі деп танылып, оған 18090 теңге көлемінде мемлекет пайдасына айыппұл салынды.
Қайнар: Қызылорда облысының кәмелетке толмағандардың істері жөніндегі мамандандырылған ауданаралық соты
