Ақтөбе облысы бойынша ҚАЖ Департаментіне қарасты Мұғалжар аудандық №1 пробация қызметі пробация есебінде тұрған жұмыссыз сотталғандарды тұрақты жұмысқа орналастыру мәселесі бойынша жергілікті жердегі «Байшуақ» және «Нұрсұлтан» шаруа қожалықтарының басшыларымен кездесті.
Пробация қызметкерлері кездесуде пробация есебіндегі сотталған азаматтарды жұмысқа орналастыру мәселесінен бөлек, жұмыс берушінің және жұмысшының еңбек қарым-қатынасы, заң алдындағы жауапкершіліктері және азаматтардың конституциялық құқықтарын екі тарапқа да түсіндіріп өтті.
«Аталған кездесу іс-шарасының мақсаты — пробация есебіндегі сотталған азаматтар арасында қайта қылмыстың алдын алу үшін жұмыспен қамтамасыз ете отырып, қоғамға бейімдеу болып табылады»,- дейді Мұғалжар аудандық №1 пробация қызметінің аға инспекторы әділет капитаны Алмат Утаралинов.
Гүлфайруз Төремұратова,
Ақтөбе облысы бойынша ҚАЖ Департаментінің баспасөз хатшысы
