Ақтөбе облысы бойынша Қылмыстық-атқару жүйесі департаментіне қарасты мекемелерге қызметке қабылданған 23 жас қызметкерлер Отан қорғаушылар күніне орай салтанатты түрде ант қабылдап, Отаны мен халқына адал қызмет етуге серт берді.
Ант қабылдау рәсімі Ақтөбе облысы бойынша ҚАЖД ғимаратының алдында департамент қызметкерлері мен ҚАЖ саласы ардагерлерінің қатысуымен өтті.
Ант қабылдау рәсімінен соң, Ақтөбе облысы бойынша ҚАЖ департаментінің бастығы жас мамандардың өздеріне жүктелген міндеттерді адал атқаратындықтарына сенім білдіріп, алдағы қызметтеріне сәттілік тіледі.
Ант қабылдау рәсімінде іс-шараға қатысқан ҚАЖ саласының ардагерлері де қызметке жаңа қабылданып отырған қызметкерлерді құттықтады.
Гүлфайруз ТӨРЕМҰРАТОВА,
Ақтөбе облысы бойынша ҚАЖ департаментінің баспасөз хатшысы
