Ақтөбе облысы бойынша ҚАЖ Департаментіне қарасты Ақтөбе қаласының Астана және Алматы аудандық пробация қызметтері, сондай- ақ Ақтөбе қаласының Жастар ресурстық орталығының ұйымдастырумен, пробация қызметінің есебiнде тұрған кәмелеттік жасқа толмаған жастар және 19-35 жас аралығындағы сотталғандар арасында үстел тенисiнен спорттық сайыс өтті.
Жастар арасында салауатты өмір салтын қалыптастыруды, зиянды әрекеттердің алдын алуды мақсат еткен спорттық сайысқа белсенді қатысқан жастарға өз алғысын білдірген Жастар ресурстық орталығының басшысы Нұрсұлтан Кожабеков, ойын нәтижесі бойынша 1, 2 және 3 орын иегерлерін дипломдармен марапаттады.
