Ағымдағы жылдың 1 наурызында Алғыс айту күнін мерекелеу аясында, Алматы облысы және Жетісу облысы бойынша ҚАЖ Департаментіне қарасты №14 мекемесінің қызметкерлері жетім балалар мен ата-анасының қамқорлығынсыз қалған балаларға арналған, Қонаев қаласының «Кәусар» мектеп-интернатына барды.
Мекеме қызметкерлері балаларды мерекемен құттықтап, оларға зор денсаулық, отбасылық жылулық, барлық тілектерінің орындалуын және мемлекетіміздің жоғары білімді азаматтары болуды, ал балалар үйінің ұжымына бұл істе күш пен шыдамдылық тіледі.
Мекеме ұжымының атынан, азық-түлік түрінде материалдық көмек көрсетілді. Балалар мен балалар үйінің ұжымы мекеме қызметкерлеріне көрсеткен қамкорлығы үшін шын жүректен алғыс білдірді.
