Қазақстан халықтарының бірлігі күні – Қазақстанда жыл сайын тойланатын мереке. Мереке 1996 жылдан бастап тойланады. 1995 жылдың 18 қазанында Қазақстан президенті жарлығы бойынша 1 мамыр – Қазақстан халықтарының бірлігі күні деп жарияланды. «Бірлік болмай тірлік болмас» деген атам қазақ.
Берекені көздеген ел мерекелі тірлік жасаудан жалықпаған. Сондықтан да Қазақстан халқы 1 мамыр ынтымақ пен бірлік күнін тойлайды. «Береке бастауы бірлік, ел іші тату тірлік» қағидасын ұстанған ел үшін бұл мерекенің орны ерекше. Осыған орай 2023 жылдың 1 мамыр айында Алматы қаласы бойынша ҚАЖ Департаменті №72 мекемесінде мекемеде ұсталатын сотталғандардың арасында мерекелік концерт өткізілді. Мерекелік концертте басқа ұлттардың салт -дәстүрлерін ортаға шығарып көрсетті. Осындай тәрбиелік мәні бар концерт сотталғандарға берген әсері көп болды. Әр ұлттың әлемімен танысу олар үшін ғажап көрініс болды.
