Алматы және Жетісу облыстары бойынша ҚАЖ Департаментіне қарасты №10 мекемесінде «Допинг» жедел-профилактикалық іс-шарасын өткізу шеңберінде тінту жұмыстары өткізілді.
Тінту амалдары мекеме ішінде Алматы облысы полиция Департаментінің есірткі қылмысына қарсы іс-қимыл басқармасының қызметкерлерімен, сондай-ақ кинологиялық қызмет қызметкерлерімен бірге «Буч» атты есірткі, мас ететін заттарды іздеу үшін арнайы қызметтік итті пайдалана отырып жүргізілді.
Тінту барысында тексеру арқылы кезекші ауысым қызметкерлері мен көліктік бақылау-өткізу пункті арқылы өнеркәсіптік аймаққа кіретін автомашиналар тексерілді.
Сонымен қатар, «Мәншүк» ЖК цехында және мекеменің өнеркәсіптік аймағының «Еңбек-Жауғашты» РМК қоймаларында нүктелік тінту жүргізілді.
Жүргізілген тінту іс-шараларының нәтижесінде есірткі, мас ететін заттар, сондай-ақ сотталғандарды пайдалануға тыйым салынған заттар табылған жоқ.
