Алматы облысының ҚАЖ қызметкерлері Жетісу облысының ПД ЭҚІҚБ және ҰҚКД бірлесіп қару-жарақ сақталған орын тапты.
Алматы қаласы, Алматы және Жетісу облыстары бойынша ҚАЖД қарасты №14 мекеме қызметкерлерінің жедел ақпараты бойынша «Қару» Республикалық жедел-алдын алу іс-шарасы аясында қару-жарақ орналасқан жерді анықтады.
Бөлшектелген күйдегі «BERETTA» маркалы аңшылық тегіс ұңғылы мылтық, «Калашников» автоматына арналған ішінде патрондары бар дүкен және қара түсті дене құрышы Жетісу облысының Сарқан ауданындағы Лепсы кентінің жол айрығының жанындағы арықтан табылды.
«Бұл факт Жетісу облысы ПД Сарқан қалалық полиция бөлімінде тіркелген. ҚР ҚК 287-бабы бойынша қылмыстық іс қозғалды. Баллистикалық сараптама тағайындалды», — деп атап өтті мекеме бастығы Ұлан Арғынбаев.
Естеріңізге сала кетейік, бұған дейін №14 мекеме ҚАЖ қызметкерлері төрт қару орнын анықтаған болатын.
