Алматы қаласы, Алматы және Жетісу облыстары бойынша ҚАЖД қарасты №57 мекемесінде қылмыстық-атқару жүйесі мекемелеріндегі жағдайды сауықтырудың 2023-2025 жылдарға арналған Жол картасын іске асыру шеңберінде мерекелік іс-шара өтті.
Сотталғандар арасындағы тәрбие және әлеуметтік ықпал көрсету мақсатымен, іс-шараға Берік Құрақбаев, Қазақстанның 3 дүркін жеңімпазы, Семей қаласы мәслихатының депутаты Дәурен Нұралимов, «Қазақстан Барысы–2018» турнирінің жеңімпазы Мақсат Қиқымов, мекеме жанындағы кәсіптік-техникалық колледж оқытушысы Светлана Жапарова арнайы қонақ ретінде шақырылды. Сондай-ақ, 90-шы жылдардың хитмені атанған әнші Парвиз Назаров өзінің концерттік бағдарламасын ұсынып, сотталғандар алдында өнер көрсетті.
Кездесу кезінде Қазақстан спортының жеңімпаздары сотталғандармен сұхбаттасып, оларға дене шынықтырып, денсаулықтарын күтуді насихаттады.
