Астанада V Халықаралық экологиялық конгресс өтті. Бұл жолғы жиын «жасыл» партиялар, сарапшылар мен халықаралық ұйымдар арасындағы дәстүрлі диалог шеңберінен шығып, жаңа деңгейге көтерілді. Талқылау экологияны жеке сала ретінде қарастырумен шектелмей, жалпы даму моделін қайта қарау қажеттігіне бағытталды. Негізгі мақсат — жаңа экономикалық және геосаяси жағдайларға бейімделген «Жасыл күн тәртібі 2.0» тұжырымдамасын қалыптастыру.