Жыл басынан бері қанша қазақстандық жүргізуші куәлігінен айырылды?

Ішкі істер министрлігі жыл басынан бері қанша қазақстандық жүргізуші куәлігінен айырылғанын Massaget.kz тілшісіне хабарлады. Көш басында Қарағанды облысы тұр.

Жыл басынан бері ІІМ мәліметтері бойынша 22 773 жүргізуші жүргізуші куәлігінен айырылыпты. Олардың басым бөлігі, яғни 18 мыңнан аса жүргізуші көлікті мас күйінде тізгіндеген.

«Жүргізуші куәлігінен айырылудың негізгі себептері — көлікті алкогольдік, есірткілік және (немесе) уытқұмарлық масаң күйде жүргізу, сондай-ақ көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру болып табылады», — делінген хабарламада.

Өңірлер бойынша соңғы екі жыл ішінде (2023 жылы және 2024 жылғы 9 айда) жүргізуші куәлігінен айырылғандардың саны салыстырмалы түрде төмендегідей болып тұр:

Астана қ. 2156–2136

Алматы қ. 3157–2656

Шымкент қ. 1501–1674

Абай обл. 592–539

Ақмола обл. 1593–1239

Ақтөбе обл. 1987–1617

Алматы обл. 749–961

Атырау обл. 937–912

ШҚО 1454–1442

Жамбыл обл. 732–608

Жетісу обл. 370–473

БҚО 1522–1189

Қарағанды обл. 2273–1983

Қостанай обл. 1001–905

Қызылорда обл. 896–616

Маңғыстау обл. 770–919

Павлодар обл. 1012–928

СҚО 929–706

Түркістан обл. 1109–1055

Ұлытау обл. 202–215

Ал жүргізуші куәлігін қайтарып беру бойынша 2024 жылы 7900 мемлекеттік қызмет көрсетілген екен.

Алматы халқының саны 2040 жылға қарай 3,6 миллионға жетуі мүмкін

Алматының жаңа бас жоспары бойынша, 2040 жылға қарай қала халқының саны 3,6 миллион адамға жетеді деп болжанып отыр.

Жалған ақпарат, ұрланған фото, жеке деректер: Жаңа заңда қандай жауапкершілік қарастырылуы мүмкін? 

Цифрлық ортада адамның ар-намысы, жеке өмірі мен беделін қорғау мәселесі өзекті. Жаңа Азаматтық кодекске ұсыныс айтылды.

Қазақстанда электромобильдер саны 43 мыңнан асты 

Электромобильдер ең көп шоғырланған өңір – Алматы қаласы.

Қазақстандықтар желтоқсан айында қанша күн демалады? 

2026 жылдың желтоқсан айында қазақстандықтарды Тәуелсіздік күніне орай бір қосымша демалыс күні күтіп тұр. Мемлекеттік мереке 16 желтоқсанда атап өтіледі. Биыл бұл күн сәрсенбіге сәйкес келеді.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.