2025 жылғы 8 шілдеде №2 түзеу мекемесінде мекеме басшылығының және Астана қаласы бойынша ҚАЖК-нің Бас қауіпсіздік қызметінің жедел уәкілі, әділет капитаны Шоканов А.Ш.-ның қатысуымен жеке құраммен түсіндіру-профилактикалық кездесу өтті.
Кездесу тақырыбы – қызметкерлер арасындағы сыбайлас жемқорлық құқықбұзушылықтарының алдын алу және қызметтік тәртіпті сақтау.
Іс-шара барысында қатысушыларға сыбайлас жемқорлыққа қарсы заңнаманың талаптары, қызметтік әдеп нормалары, сондай-ақ заң бұзғаны үшін жеке жауапкершілік туралы еске салынды.
Құқықбұзушылықтардың алдын алу шаралары, басшылық тарапынан бақылауды күшейту және ұжымда сыбайлас жемқорлыққа мүлдем төзбеушілік мәдениетін қалыптастыру мәселелері талқыланды. Қызметтік ортада заңсыз әрекеттердің алдын алу мен оларды уақтылы анықтаудың маңыздылығы атап өтілді.
Аталған профилактикалық кездесу іскерлік және ашық түрде өтіп, қызметкерлер арасында құқықтық сана мен жауапкершілікті арттыруға бағытталды.