Жас қызметкерлер өздерінің домбыра үйрететін ұстаздарын мерекесімен құттықтады

Абай облысы бойынша қауіпсіздігі аралас мекеме қызметкерлері «Ұстаздар күні» мерекесі қарсаңында, өздерінің домбыра үйрететін ұстаздарын құттықтады.
Абай облысы бойынша қауіпсіздігі аралас №19 мекеме қызметкерлері қатарында, домбыра үйрену үйірмесіне қатысатын қызметкер, қазақтың қара домбырасында ойнауды үйреткен ұстаздары-мекеменің кеңсе инспекторы Смагулова Жанар Тлеубайқызын кәсіби мерекесімен құттықтады.
Көркемөнерпаздық ретінде ашылған мекеменің бұл үйірмесіне барлығы 8 қызметкер қатысады. Олардың бірнешеуі бұрындары домбыра ойнауды білсе, қалғандары үйірмеге келіп қолдарына алғаш домбыра ұстағандар.
Жігітке жеті өнер де аз дегендей, жас қызметкерлердің өтініштері бойынша, Жанар Тлеубаевнаның келісімімен ашылған үйірме жұмысы өз нәтижесін беріп келеді. Үйірмеге қатысушылар мен мекеме ұжымы ол кісі өте ризамыз. Осындай атаулы күні Жанар Тлеубаевнаға алғысымызды білдіріп, мерекесімен құттықтаймыз -дейді мекеме бастығының орынбасары Айдын Калелов.
Айта кетейік, үйірмеге қатысатын қызметкерлер, Семей қаласы бойынша қарттар үйіне концерттік бағдарламамен шығып, ел ықыласына бөленуде.