ЗК-169/1 тергеу изоляторында мекеменің психологтары сотталғандардың мінез-құлқын түзетуге елеулі үлес қосып келеді. Соның ішінде психологтар тарапынан өткізілетін іс-шаралардың жазасын өтеушілерді оң бағытқа тәрбиелеудегі маңызы зор.
Сондықтан сала мамандары қылмысына сай жаза мерзімін алғандардың психологиялық жай-күйін жағымды жаққа бұрып, мерзімін өтеу барысында өмірден түңіліп кетпей, бостандыққа деген үмітке жетелеу мақсатында әр-түрлі тренигтер өтікізіп отырады.
Осы орайда, мекеменің аға психологы, әділет капитаны А. Мырзалы мекеменің шаруашылық бөліміне қалдырылған сотталған азаматтарына «Мен басқаның көзімен» деген тақырыпта тренинг өтті.
- Бұл азаматтар жігерлендіру мен көңіл аударуға зәру. Сол себепті де біз оларға осындай тренигтер арқылы , мотивация береміз. Яғни өткізілу шартына сай, ортаға бір адам кезекпен шығып, қалған қатысушылар ол жайлы қандай ой- пікірде екенін айтып баға береді. Нәтежиесінде, ортадағы сотталған өзінің жақсы жақтарын естіп, басқаның көзімен қандай адам екенін танып біледі. Оларға берілген баға көңіл- күйлерін көтеріп, еңбекке ынталандырады, — дейді аға психолог А.Мырзалы.
Шынында да, жақсы сөзге жан семірер деген, өзгелердің өзіне берген бағасы сотталғандардың жанын жадыратып, бостандыққа шығуға деген үмітін арттырады.
- Менің мінез-құлқыма айтылған жоғарғы бағаның әсері ме? бүгінгі өткізілген тренингтен кейін, бойымда өз- өзіме деген зор сенімділік пайда болды. Бостандыққа шыққан соң, дұрыс өмір сүру жолына түсіп, бастаған кәсібімді әрі қарай жалғастырамын. Отбасыма, айналама пайда келтірер азамат болуға деген сенімім артты — деді. М есімді жазасын өтеуші жас жігіт.
