12 маусым - Жалпыұлттық аза тұту күні

spot_img
spot_img
spot_img
0.00₸

Корзина пуста.

Тоқаев салық реформасы төңірегіндегі сынға пікір білдірді

Президент Қасым-Жомарт Тоқаев Бурабайда өткен Ұлттық құрылтайдың IV отырысында Қазақстандағы салық реформасы туралы айтты.

Мемлекет басшысы бірқатар мәселеге арнайы тоқталатынын айтты. Ең алдымен қоғамда қызу талқыланып жатқан салық реформасына қатысты пікірін білдірді.

«Салық жүйесі, бұл – бүкіл мемлекеттік жүйенің тірегі. Бюджетте қаржы болмаса, мемлекет өз міндетін толық атқара алмайды, әлеуметтік міндеттемелер де орындалмайды. Еліміз үшін аса қажет шаралардың мән-маңызын халыққа егжей-тегжейлі түсіндіру керек. Жұрттың бәрі экономист немесе қаржыгер емес. Мемлекеттің қандай шараны не үшін қолға алып жатқанын бәрі бірдей түсіне бермеуі мүмкін. Сондықтан реформаның мәнін адамға түсінікті тілмен жеткізу керек», — деді Президент.

Үкімет салық реформасына қатысты жаңа тәсілдерді ұсынды. Бұл шаралар, жалпы алғанда, дұрыс. Онда негізгі экономикалық және әлеуметтік факторлар ескерілген, деді Президент.

«Кәсіби мамандар да, жалпы жұртшылық та қосымша құн салығының мөлшерлемесін көтеру қажеттігіне түсіністікпен қарайды. Дегенмен ұсынылған шараларға, соның ішінде, қосымша құн салығына қатысты сын-пікірлер де естіліп қалады. Бірақ мұндай пайым шынайы ахуалға негізделмеген».

Мемлекет басшысының айтуынша, түрлі себепке байланысты өзіне ауқымды әлеуметтік міндеттеме алмайтын елдер аз емес. Ал Қазақстанның бюджет қаржысының жартысынан көбі әлеуметтік саланың еншісінде.

«Біздің еліміз – әлеуметтік мемлекет. Сондықтан білім беру, денсаулық сақтау салаларына инвестиция салуды жалғастырамыз. Бұл – біздің конституциялық міндетіміз. Бірақ шын мұқтаж азаматтарға ғана көмек көрсетілуі керек. Қызметін асыра пайдалануға, алаяқтыққа жол берілмейді. Сондықтан басымдық берілмеген жобаларға бөлінетін қаржы азаяды. Бұл қажет шара екені айдан анық. Үкімет осы жылдың соңына дейін оны қалай оңтайландыру керектігін біржола анықтап алуға тиіс», — деді Тоқаев.

Тоқаев бірыңғай уақыт белдеуіне көшу туралы айтты

Мемлекет басшысы Қасым-Жомарт Тоқаев Қазақстанның бірыңғай уақыт белдеуіне көшуі...

Қасым-Жомарт Тоқаевтың қатысуымен Ұлттық құрылтай отырысы басталды

Қасым-Жомарт Тоқаевтың қатысуымен Ұлттық құрылтайдың IV отырысы басталды.

Қасым-Жомарт Тоқаев қазақстандықтарды Амал күнімен құттықтады

Мемлекет басшысы Қасым-Жомарт Тоқаев қазақстандықтарды Амал күнімен құттықтады.

Алматыда Көрісу күні қалай тойланады?

Алматыда 14-23 наурыз аралығында өтетін Наурызнама онкүндігі аясында 100-ден аса түрлі іс-шара жоспарланған.

Формальные ответы на острые вопросы

Пленарное заседание Мажилиса Парламента РК стало трибуной для критики работы Правительства. По итогам поездок по регионам, депутаты представили данные о масштабах накопившихся проблем и бездействии властей. Формальные ответы на острые вопросы граждан стали лейтмотивом выступлений народных избранников.