Алматы және Жетісу облыстары бойынша ҚАЖД №71 мекемесінде Жетісу облысының Мемлекеттік кірістер басқармасының Өндірістік емес төлемдер бөлімі мен медициналық сақтау қоры мамандарының қатысуымен кездесу өтті.
Іс-шараның ресми бөлігі басталмас бұрын, мекеме қызметкерлеріне кезекті арнайы шендерін табыстау рәсімі өтті. Қызметкерлердің еңбегі мен адалдығы жоғары бағаланып, оларға алғыс білдірілді.
Кездесу барысында мемлекеттік кірістер басқарма өкілдері салық және басқа да міндетті төлемдер бойынша өзгерістер мен жаңалықтар жөнінде түсіндірме берді. Сонымен қатар, медициналық сақтау қоры мамандары міндетті әлеуметтік медициналық сақтандыру жүйесінің маңыздылығы, оның артықшылықтары мен қызмет алу тәртібі туралы баяндап, қатысушылардың сұрақтарына жауап берді.
Осындай кездесулер қызметкерлердің қаржылық және әлеуметтік мәселелер бойынша хабардарлығын арттыруға, сондай-ақ мемлекеттік құрылымдармен тиімді өзара әрекеттестікті дамытуға ықпал етеді.
