Қазақстан Республикасының Конституциясы күнінің 27 жылдығына орай СҚО бойынша ҚАЖ Департаментінің №48 мекемесінде сотталғандармен «ҚР Конституциясы күні» тақырыбында дәріс өткізілді, сондай-ақ республика тәуелсіздігінің қалыптасуы туралы деректі фильм көрсетілді. Сонымен қатар, моральдық-психологиялық ахуалды қалыптастыру, сотталғандардың салауатты өмір салтын ынталандыру және дамыту
мақсатында мекеме аумағында жасақтар арасында спорттық жарыстар өткізілді. Сотталғандар арқан тартудан, салмақ көтеруден, дойбы мен шахматтан жарысты.
Сондай-ақ, сотталғандар арасында Конституция күнін мерекелеу аясында үздік қабырға газетіне байқау өткізілді. Қатысушылар өздерінің суреттерін қағазға салып қана қоймай, оны қазылар алқасына осы маңызды күннің мәні мен көзқарасын түсіндіріп ұсынуы керек еді.
Жүлделі орындарға ие болған барлық қатысушылар грамоталармен және мекеме бастығының құқықтарымен марапатталды, қалған қатысушылар белсенді қатысқаны және шығармашылық көзқарасы үшін басшылықтан ауызша алғыс алды.
«Мұндай іс-шаралар сотталғандардың одан әрі түзелуіне, олардың эстетикалық тәрбиесіне және Қазақстан Республикасының заңға бағынатын азаматтары ретінде қоғамға одан әрі оралуына оң әсер етеді»,- деп атап өтті
тәрбие бөлімінің бастығы Мерей Мурсалимов.
