Шымкент әкімнің орынбасары Руслан Берденовке шабуыл жасалды. Полиция департаменті өкілдері осы жағдайға пікір білдірді, — деп хабарлайды Massaget.kz тілшісі.
«21 сәуірде Шымкент қаласы әкімдігі ғимараты маңында атыс болды. Оқиға салдарынан әкімдік қызметкері жарақат алып, ауруханаға жеткізілді. Қазір оған қажет медициналық көмек көрсетіліп жатыр», — деп жазылған хабарламада.
Полиция мәліметінше, қылмысты жасаған күдікті ұсталып, уақытша ұстау изоляторына қамалған, бұл дерек бойынша қылмыстық іс қозғалған.
«Оқиғаның барлық мән-жайы тергеу барысында анықталады», — деді полиция.
Берденов туралы не белгілі?
Ол 1985 жылы 6 наурызда Шымкент қаласында дүниеге келген. 2006 жылы менеджмент мамандығы бойынша әл-Фараби атындағы Қазақ ұлттық университетін бітірген. 2009 жылы КИМЭП университетін Іскерлік басқару магистрі (MBA) дәрежесімен бітірді.
- Еңбек жолын 2005 жылы «Алматы құс» ААҚ («Сеймар» тобы) компаниясының бөлшек сауда директоры қызметінен бастады.
- 2007 жылғы ақпан — 2010 жылғы шілде Procter & Gamble компаниясының бас логистикалық үйлестірушісі.
- 2010 жылғы шілде — 2012 жылғы қараша Eastcomtrans ЖШС жылжымалы құрамды жалдау бөлімінің бастығы.
- 2012 жылғы қараша — 2018 жылғы мамыр «Ақ ниет» ЖШС бас директоры.
- 2018 жылғы қараша — 2019 жылғы сәуір «Ақ ниет» ЖШС байқау кеңесінің мүшесі.
- 2019 жылғы сәуір — 2023 жылғы наурыз Aq niet Group байқау кеңесі төрағасының орынбасары.
- 2023 жылғы 29 наурыздан бастап Respublica партиясының партиялық тізімі бойынша VIII сайланған Қазақстан Республикасы Парламенті Мәжілісінің депутаты, Қаржы және бюджет комитетінің мүшесі.
- 2023 жылғы наурыздан бастап VIII сайланған Қазақстан Республикасы Парламенті Мәжілісінің депутаты болып Respublica партиясының партиялық тізімі бойынша сайланды.
- Биыл Шымкент қаласы әкімінің орынбасары болып тағайындалды.
