Дөңгелек үстел жұмысына Абай облысы прокуратурасының қызметкерлері, Шәкәрім атындағы Семей мемлекеттік университетінің, Әлихан Бөкейхан университетінің ғалымдары, Абай облысы бойынша ҚАЖД№20 мекемесінің қызметкерлері, зиялы қауым өкілдері және мәдениет қызметкерлері қатысты.
Абай қорығының «ЖИДЕБАЙ — БӨРІЛІ» мемлекеттік тарихи — мәдени және әдеби-мемориалдық мұражайы ұйымдастырған іс-шара Қазақстан Республикасының Конституция күніне арналды.
Дөңгелек үстелде қатысушылар азаматтық қоғам құрудағы ҚР Конституциясының рөлін, жастардың құқықтық мәдениетін қалыптастырудағы Конституцияның рөлін, жоғары білім беру ұйымдарындағы студенттердің мінез-құлқының сыбайлас жемқорлыққа қарсы стандарттарын, студенттер арасында сыбайлас жемқорлыққа қарсы дүниетанымды қалыптастыруды талқылады.
-Конституция-еліміздің негізгі Заңы, бүгінде біз, Егемен Қазақстан халқы, өміріміздің Конституциямен қорғалуының арқасында бейбітшілік пен келісімде өмір сүріп жатырмыз, — деп атап өтті мекеме бастығының орынбасары Ерсін Ахметжанов.
