Облыстық Дін істері басқармармасының ұйымдастыруымен «Облысқа республикалық ақпараттық түсіндірме топ мүшелерін немесе теолог, дінтанушы және басқа да діни салаға қажетті мамандарды шақыру, ісшаралар өткізу» қызметі бойынша өткізілетін мемлекеттік әлеуметтік жобасы аясында «Нұр-Мубарак» университеті жанынан ашылған «Экстремизм мен терроризмге қарсы академияның» директоры, РАНТ мүшесі, теолог Сәкен Салтан Сайранұлы Қызылорда облысы бойынша Қылмыстық-атқару жүйесі департаментінің №60 мекемесінде болып, сотталғандармен кездесті.
Кездесу барысында «Бейбітшілік – тұрақтылықтың кепілі» тақырыбында баяндама оқыды. Өз сөзінде С.Салтан: «Ислам сөзінің өзі — Бейбіт деген мағынаны береді. Қайсыбір дінді алып қарасақ та, біреуге зорлық-зомбылық жасауға үзілді-кесілді тыйым салынады. Пайғамбарымыз Мұхаммед (с.ғ.с) Меккеден Мәдинаға қоныс аударған кезде де Мәдина тұрғындарымен (өзге дін өкілдерімен) тарихта «Мәдиналық конституция» деген атпен қалған келісім шарт жасасып, олармен бейбіт өмір сүрген. Міне, осыдан-ақ Ислам дінінің терроризмді емес, бейбітшілік пен ақиқатты насихаттайтын дін екендігін көруге болады», — деді.
Дәріс соңында сотталған азаматтар өздерінің көкейлерінде жүрген сауалдарын қойып, тұшымды жауаптар алды.
