Қызылорда облысы бойынша Қоғамдық байқау комиссиясының өкілдері Қызылорда облысы бойынша ҚАЖ департаментінің тергеу изоляторына барып, арнайы контингентпен кездесті. Комиссия өкілдері сотталғандардың құқықтарының, бостандықтарының және заңды мүдделерінің қамтамасыз етілу жағдайын тексерді. Оларды ұстау жағдайлары, медициналық-санитариялық қамтамасыз ету, жұмыспен қамтылуы және олардың бос уақытын ұйымдастыру мәселелері болды.
Кездесу барысында қоғамдық байқау комиссиясының мүшелері сотталғандарды жеке қабылдап, олардың сауалдарына жауап берді. Сотталғандар өздерін мазалаған сұрақтарын қойып, тұщымды жауаптарын алды.
Сотталғандарды жеке қабылдау – олардың құқықтары мен қажеттіліктерін анықтауға, сонымен қатар сотталғандардың ұсыныстары мен шағымдарын ескеруге мүмкіндік береді.
Қоғамдық байқау комиссиясының өкілдері мұндай тексерістер алдағы уақытта да тұрақты түрде жүргізілетінін, олардың негізгі мақсаты сотталғандардың құқықтарын сақтау және олардың әлеуметтік бейімделуіне ықпал ету екенін атап өтті.
12 маусым - Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
