Алматы және Жетісу облыстары бойынша ҚАЖ Департаментінің №12 мекеме қызметкерлері тыйым салынған заттарды колония аумағына жеткізу әрекетін тоқтатты.
Оқиға сотталғандарға арналған сәлемдемелер мен бандерольдерді тексеру барысында орын алды. Қызметкерлердің назарын, сәлемдемелердің бірінде болған қысқы аяқ киімдер аударды. Мұқият тексеру кезінде етіктің ішіндегі ұлтарақ астынан түйіншектер табылды. Ерекше иісі бар жасыл түсті зат полиэтилен пакетке салынып, скотчпен тығыз оралған болды. Табылған күдікті түйіншектер тәркіленді.
«Қазіргі уақытта тәркіленген заттың құрамын анықтау үшін сараптама жүргізілуде, сондай-ақ оны жеткізу әрекетінің мән-жайлары мен қатысы бар адамдар анықталынуда Бұл жағдай Алматы және Жетісу облыстары бойынша мекемелердегі күн сайын тәртіп пен қауіпсіздіктің сақталуын қамтамасыз ететін ҚАЖ қызметкерлерінің дайындығы мен жауапкершілігінің жоғары деңгейінде екендігін растайды», — деп атап өтті Департамент басшысы Рысбек Тұрғымбаев.
