Қазақстандықтар онлайн несиеге тыйым салу туралы петиция жариялады, — деп хабарлайды Tengrinews.kz.
Петиция авторлары онлайн несие берудің кең таруына байланысты алаңдаушылық білдіреді. Олар мұндай несие алудың жеңіл болуы маңызды әлеуметтік және экономикалық мәселелерге әкелетінін атап көрсетеді. Бұл дереу назар аударуды қажет етеді.
«Мұндай несиелерді алудың жеңілдігі көптеген әлеуметтік және экономикалық проблемаларға алып келеді. Даму және цифрландыру тұтастай алғанда ақпарат пен қаржылық қызметтерге қолжетімділікті жақсарта отырып, қоғамға оң әсер етеді. Алайда, қоғам ретінде бұл сын-тегеуріндерге дайын емеспіз және азаматтарды онлайн кредиттердің теріс салдарларынан қорғау үшін несие беруді реттеудің неғұрлым қатаң шараларын әзірлеп, МҚҰ мен МКҰ қызметіне бақылауды күшейтуіміз қажет», — делінген петицияның сипаттамасында.
Бұл ретте петицияны жасаған қазақстандықтар цифрландыруды дамыту үдерісі аясында онлайн несиелердің оң және теріс жақтары бар екеніне және олардың пікірінше, жағымсыз жақтары көп екеніне сенімді.
Петиция авторлары мынадай ұсыныстар енгізді:
- Қазақстан аумағында онлайн-кредит беруге тыйым салу.
- Қарыз алушылардың құқықтары мен мүдделерін қорғау үшін микрокредит беру саласындағы заңнаманың сақталуын бақылауды күшейту.
«Біз онлайн несие беруді шектеу және бақылау шаралары қылмыс, абюз және қаржылық құлдыққа байланысты тәуекелдерді айтарлықтай төмендететініне сенімдіміз. Қазақстан Республикасының Үкіметін азаматтарды қорғау және экономикалық тұрақтылықты қамтамасыз ету үшін жедел шаралар қабылдауға шақырамыз», — деп қорытындылады авторлар.
Петицияның толық нұсқасын мына сілтемеден оқи аласыз.