Пробация есебінде тұрған азаматтардың қайта қылмыс жасауына жол бермеу және құқықбұзушылықтың алдын алу мақсатында «Есепте тұрған тұлғалар» атты жедел-профилактикалық іс-шарасы өткізілуде.
Іс-шара аясында пробация қызметкерлері есепте тұрған азаматтардың тұрғылықты жері мен жұмыс орындары бойынша тексеру жұмыстарын жүргізуде. Сондай-ақ, полиция бөлімінің криминалистикалық тобымен бірлесіп, азаматтардың саусақ іздері алынып, жеке деректерін тіркеу жұмыстары жүзеге асырылды.
Тексеру барысында жазаны өтеу тәртібін бұзған 3 азамат анықталып, оларға тиісті ескерту шаралары қолданылды.
Осындай алдын алу шаралары пробация есебіндегі азаматтардың қоғамға қайта бейімделуіне ықпал етіп, құқықбұзушылықтың алдын алуға мүмкіндік береді. Алдағы уақытта да бұл бағыттағы жұмыстар тұрақты түрде жалғасатын болады.
