2022 жылғы 28 ақпаннан 5 наурызға дейін Қостанай академиясы пробация қызметі қызметкерлерінің арасында біліктілікті арттыру курстарын өткізеді. Қылмыстық-атқару жүйесі қызметкерінің психологиялық даярлығы оның құқықтық, физикалық, атыс және өзге де түрлері сияқты кәсіби жетілуі үшін де үлкен маңызға ие. Мұндай дайындықтың мақсаты-кез-келген қиын қызмет жағдайында кәсіби, сауатты, нақты, жоғары жұмыс қабілеттілігімен әрекет етуге дайындықты қалыптастыру.
Оқыту ZOOM платформасы арқылы онлайн өтеді. Біліктілікті арттыру курстарындағы сабақтар бекітілген оқу-тақырыптық жоспар мен кесте бойынша жүргізіледі. Сондай-ақ практикалық тренингтер уақытында өткізіледі. Курс аяқталғаннан кейін қатысушыларға сертификат берілетін болады.
Айнаш Ахметжанова,
Петропавл қаласы ПҚБ инспекторы, әділет лейтенанты
