Пробация қызметінің маңызы мен қызметі заман талабына сай қылмыстық жазаларды ізгілендіріп, кішігірім қылмыс жасаған адамдарға деген көзқарасты түбегейлі өзгертуді асау уақытының өзі күн тәртібіне қоюда. Қазір бұл бағытта Бейнеу аудандық пробация қызметкерлері қыруар жұмыстар атқаруда.
Жалпы «пробация» сөзін қазақшаға аударғанда «сынау, байқау» дегенді білдіреді. Яғни сынаудың негізі — адамның қылмыс жасағанына қарамастан, оның түрмеге отырмауына мүмкіндік беру. Ол үшін қылмысқа барған адам сот міндеттеген шарттардың бәрін орындауы керек.
Осылайша байқаусызда сүрінген жандар болса, оларды бас бостандығынан айырмай-ақ, қоғамға бейімделуіне мүмкіндік беру. Тек осы сынақ сәтте, одан кейін де өзіңді әркез сол қоғамның адал азаматы ретінде көрсетіп, әділ жүріп, анық басып, бойыңа байсалды мінез, жақсы әдеп-ғұрып дарыта білсең, еш өкінбейсің, — дейді Бейнеу аудандық пробация қызметінің бастығы Мейірман Оразалиев.
