Жалағаш аудандық пробация есебіндегі азаматтардың түзелу жолына түсуіне және діни көзқарасын дұрыс қалыптастыру мақсатында пробация қызметкерлері арнайы маманмен кездесу өткізді.
Кездесуге Қызылорда облысы бойынша Дін істері Басқармасының Дін мәселелерін зерттеу орталығы КММ-нің Жалағаш аудандық бөлімінің меңгерушісі А. Байқабылов шақыртылды. Ол сотталғандарға деструктивті ағымдар туралы түсінік берді. Нақтырақ айтатын болсақ, теолог маман сотталғандарға адамзат әлеміндегі қатыгездік пен бейбіт адамдар арасындағы алауыздық тудыратын қауіпті ағымдардың ұстанымдарының дұрыс еместігін, дәстүрлі Абу-Ханифа мазхабыныңан мысалдар келтіре отырып әңгімелеп берді.
Сондай-ақ, салт- дәстүріміздегі адамгершілік тәрбиесі жайында да, көптеген мағлұматтар айтты. Яғни, оларды ҚР Діни басқармасының бекітілген Қағидаларының талаптарына сәйкес ұстанымында болып, наным-сенімі адасқан экстремистік көзқарасты насихаттаушы топтардың жетегіне ермеуге шақырды. Кездесу соңында сотталғандардың көкейінде жүрген түрлі діни сұрақтарға жан-жақты жауап берілді.
Қызылорда облысы бойынша ҚАЖД
