Сот барысында Салтанат Нүкенованың ағасы Айтбек Амангелді қарындасы Қуандық Бишімбаевтан қанша рет кеткісі келгенін айтты, — деп хабарлайды Tengrinews.kz тілшісі.
Прокурор Айтбек Амангелдіден Салтанат Нүкенова Қуандық Бишімбаевты қанша рет тастап, қайтып келгенін біле ме деп сұрады.
«2023 жылы шамамен 8 рет, тіпті одан көп болмаса», — деп жауап берді ол.
Сотта жәбірленушінің ағасы Қуандық Бишімбаев Салтанатты бұған дейін де ұрғанын айтты. Алғашқы жағдайдан кейін ағасы оны алып кетпек болған, бірақ Салтанат некені сақтап қалуды ұйғарған.