Мемлекеттік туды пайдаланудың жаңа ережелері бекітілді 

ҚР Үкіметінде Мемлекеттік туды пайдалану шарттары бекітілді. Құжатта азаматтардың мемлекеттік рәмізді қалай орналастыра алатыны және оны қандай жағдайларда пайдалануға жол берілмейтіні жазылған.

Қаулыға сәйкес, Мемлекеттік туды жеке тұрғын үйлерге биіктігі 3 метрден кем емес жерде орнатуға болады. Бұл ретте тәуліктің қараңғы уақытында оны жарықтандыру міндетті емес.

Мемлекеттік рәміз жерге, еденге, суға немесе басқа да беттерге тиіп тұрмауы керек. Тігінен орналастырған кезде ұлттық ою-өрнек матаның жоғарғы бөлігінде болуы тиіс. Сондай-ақ, заңнама талаптары сақталған жағдайда, Мемлекеттік туды жеке және заңды тұлғалардың автокөлік салондарында пайдалануға рұқсат етіледі, – делінген құжатта.

Бұдан бөлек, мәдени, спорттық, қоғамдық және басқа да іс-шаралар кезінде туды коммерциялық мақсатта пайдалануға тыйым салынады. Сонымен қатар, ол таза, зақымдалмаған, кірлемеген, жыртылмаған, жамаусыз және басқа да ақауларсыз болуы керек.

Ережелерде мемлекеттік рәмізді қорлайтын немесе оның маңызын төмендететін кез келген әрекеттерге де тыйым салынған. Атап айтқанда, туды әдейі зақымдауға, жоюға, өртеуге, жыртуға, жерге тастауға немесе өз мақсатынан тыс пайдалануға болмайды.

Сонымен қатар, мемлекеттік туды жарнамада, сондай-ақ киім, төсек-орын жабдықтары, перделер, дастархандар, кілемшелер және басқа да жабындар ретінде пайдалануға жол берілмейді.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.