Мемлекет болашағы үшін ортақ жауапкершілік: AMANAT «Әділет» партиясына қосылуды қолдады 

Астанада өтіп жатқан AMANAT партиясының XXVI съезінде AMANAT-тың «Әділет» партиясына қосылу бастамасы айтылды, деп хабарлайды BAQ.KZ тілшісі. 

Съез жұмысына қатысқан бірқатар депутат партияны қосылуды қолдады. Съезде Саяси кеңес пен Орталық бақылау-тексеру комиссиясының жұмыс қорытындыларын қарап, партия қызметінің алдағы бағыттарын талқылады.

Павлодар облыстық мәслихатының төрағасы Илья Теренченко жаңа Конституция елдің одан әрі дамуына берік құқықтық негіз қалыптастырғанын айтты. Сонымен қатар ол реформалардың табысты болуы көбіне олардың өңірлерде жүйелі әрі дәйекті жүзеге асуына байланысты екенін атап өтті. Оның сөзінше, мемлекеттік институттардың, саяси партиялардың және азаматтық қоғамның күш-жігерін жалпыұлттық міндеттер төңірегінде біріктіру, жауапкершілік пен ынтымақты сақтау ерекше маңызға ие.

Өз кезегінде Парламент Мәжілісіндегі партия фракциясының мүшесі Нұрсұлтан Байтілесов елде жүргізіліп жатқан реформалар жастар үшін жаңа мүмкіндіктер ашқанын айтты. Оның пікірінше, бүгінде жастар қоғамдық бастамаларға ғана емес, заң шығару үдерісіне де белсенді араласып келеді. Ол жастарды саяси жаңғыру мен Қазақстанның одан әрі дамуының негізгі қозғаушы күштерінің бірі деп атады.

Шығыс Қазақстан облыстық көпсалалы медициналық орталығының директоры, бастауыш партия ұйымының төрайымы Гүлмира Сағидуллина бастауыш партия ұйымының әлеуметтік және қайырымдылық жобаларды жүзеге асыру, отбасыларды, жастарды, ардагерлерді және ерекше қажеттілігі бар азаматтарды қолдау бағытындағы жұмыстары туралы айтты.

Съез қатысушылары реформаларды одан әрі жалғастырудың, қоғамдық келісімді нығайтудың және мемлекет пен азаматтардың мүддесі жолында күш-жігерді біріктірудің маңызын атап өтті. Сондай-ақ аманаттықтар AMANAT партиясының «Әділет» партиясымен бірігуі туралы мәлімдеме жасап, бұл қадам елдің стратегиялық даму міндеттерін жүзеге асыруға, сондай-ақ Әділетті әрі Прогрессивті Қазақстан құру жолында жинақталған тәжірибе мен кадрлық, қоғамдық әлеуетті күшейтуге мүмкіндік беретінін айтты.

Фото:https://orda.kz/

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.