Дүниежүзілік денсаулық сақтау ұйымының (ДДСҰ) өкілдері Ұлыбританияға келген адамдар арасында маймыл шешегінің таралу қаупін бағалады, — деп хабарлайды Tengrinews.kz тілшісі.
Ұйым аурудың одан әрі таралу қаупі аз екенін хабарлады. ДДСҰ мәліметінше, қазіргі уақытта инфекцияның үш жағдайы белгілі. Науқастардың екеуі ауырмай тұрып Нигерияға барған. Олар карантинге жатқызылды.
Алғашқы пациент 7 мамырда Корнуоллда анықталды, ол Лондонда емделіп шықты. Инфекция жұқтырған екінші адам Ливерпульде ауруханаға түсті. Осыдан кейін Біріккен Корольдіктің Денсаулық сақтау органдары байланыста болған адамдарды анықтауды және олармен жұмыс істеуді үйлестіру үшін жағдайды басқару тобын құрды.
ДДСҰ ауру малмен байланысқа түспеуді және жабайы жануар етін тағамда қолданбауға кеңес берді. Вирустық инфекцияның нақты көзі қайдан екені белгісіз, сол үшін Нигерияда ауру таралу қаупі сақталып отыр.
Айта кетейік, маймыл шешегі байланыс және тамшылар арқылы дем шығарғанда берілуі мүмкін. Шешек жұқтырған маймылдардың көпшілігі бірнеше апта ішінде жазылады, бірақ ауру кезеңі 5-тен 21 күнге дейін өзгеруі мүмкін.
