Күз басталғанда кейбір адамдар қайта-қайта түшкіріп, мұрнынан су ағып, көзі қызарып, күзгі аллергиядан зардап шегеді. Аллергияның белгілері өршігенде дәрі ішіп, оны емдеуге тырысады. Алайда «ауырып ем іздегенше, ауырмайтын жол ізде» демекші, Massaget.kz тілшісі күзгі аллергияның алдын алу жолдарын ұсынады.
Маусымдық аллергия — белгілі бір маусымда пайда болатын ағзаның реакциялары. Олар шөп, ағаш және арамшөп сияқты өсімдік тозаңының әртүрлі әсерінен пайда болады. Мысалы, көктемгі аллергияға көбінесе ағаш тозаңы, жазда шөп тозаңы және күзде бақбақ секілді арамшөптердің тозаңы әсер етеді.
Аллергияның өршуінің алдын алуға мүмкіндік беретін тозаң аллергиясын басқару бойынша 10 ұсыныс:
1. Бұл шынымен аллергия екеніне көз жеткізіңіз
Күн суығанда, маусымдық аллергияны суық тиюден немесе вирус жұқтырғаннан ажырату қиын болады. Егер мұрын екі аптадан астам уақыт бойы бітеліп, табиғат аясына шыққан кезде белгілер көбейетін болса, дене қызуыңыз көтерілмей, басыңыз ауырмайтын болса, бұл — аллергия.
2. Тозаң күнтізбесін қадағалаңыз
Аллергия белгілері пайда болған күндерді белгілеп жүріңіз, кейін қазіргі уақытта тозаңның ауада қай түрі жүргенін білу үшін онлайн аллергия күнтізбесін пайдаланыңыз. Бұл сіздің қандай өсімдік түрлеріне ерекше сезімтал екеніңізді түсінуге көмектеседі.
3. Тозаңдану деңгейі жоғары күндерде сыртқа шығудан аулақ болыңыз
Сыртқа тозаң деңгейі төмен күндері шығыңыз. Күн шыққаннан кейін және күн батқанға дейін бірнеше сағатта тозаңдану деңгейі өте жоғары болады. Жұмысыңызды күндіз немесе жұмыстан кейін істеуге тырысыңыз.
4. Ауа райын бақылаңыз
Көпшілік күн шуақты күндерді жақсы көргенімен, тозаң деңгейі бұлтты, жаңбырлы және желсіз күндері төмен болады. Аллергия мазаламасын десеңіз, сыртқа шықпас бұрын ауа райы болжамын тексеріңіз. Тіпті кейбір ауа райы болжамын көрсететін қосымшалар тозаң деңгейін де көрсетеді.
5. Сыртта тозаңмен байланысқа түспеуге тырысыңыз
Табиғат аясында жүргенде қолыңыз бен бетіңізді, әсіресе көзіңізді ұстамаңыз. Көзіңізді тозаңнан қорғау үшін кең жиекті қалпақ пен күннен қорғайтын көзілдірік киіңіз. Егер тозаң көзге түссе, оларды тұз тамшыларымен шайыңыз.
6. Аллергендердің көзін жойыңыз
Тозаң теріде, шашта, киімде, аяқ киімде және үй жануарларында жиналуы мүмкін. Сыртта серуендегеннен кейін тозаңды кетіру және оның төсекке немесе жастыққа түсуіне жол бермеу үшін бірден киініп, душ қабылдаңыз.
7. Үйді тозаңнан қорғаңыз
Тозаңның үйге кіруіне жол бермеу үшін терезелерді жабық ұстаңыз. Тозаңның төсек-орын мен сүлгілерге түсуіне жол бермеу үшін іш киімді сыртта емес, үй ішінде құрғатыңыз. Аллергендердің таралуын азайту үшін аяқ киімді үйдің кіреберісіне шешіңіз.
8. Тозаң аллергиясын емдеңіз
Антигистаминдер бірнеше аллергияны, соның ішінде шөп безгегін емдеуге көмектеседі. Гистамин — бұл сіздің иммундық жүйеңіз аллергендерге шабуыл жасау үшін шығаратын химиялық зат. Ағза аллергендерді жоюға тырысқан кезде, сіз түшкіру немесе көздің сулануы сияқты шөп безгегінің белгілерін сезінесіз. Антигистаминдер гистаминді азайтуға немесе блоктауға көмектеседі. Жағдайыңызға қарай көз тамшыларын немесе мұрынға арналған спрейлерді қолдануға болады, бірақ дәрі-дәрмек қабылдамас бұрын жергілікті фармацевтпен немесе дәрігермен кеңесіңіз.
9. Үйдегі ауаны тазалаңыз
Жылы ауа райында терезелерді ашудың орнына, ішкі ауаны тазарту және салқын болу үшін ауа тазартқышты пайдаланыңыз. Ауа тазартқыштар сүзгі арқылы ұсақ шаң мен аллергендерді ұстайды. Олар күшті ауа ағынын пайдаланып, ұсақ бөлшектерді бөлмеге жібермейді, осылайша, сіз таза дем ала аласыз.
10. Үйді шаңсорғышпен жиі тазалауға тырысыңыз
Үйді таза ұстаңыз, аптасына кемінде бір рет шаңсорғыш пайдаланыңыз, әсіресе үй жануарларыңыз болса. Шаңсорғышта HEPA сүзгісі бар екеніне көз жеткізіңіз, өйткені кейбір аллергендердің кішкентай болғаны соншалық, олар кәдімгі шаңсорғыш сүзгісінен өте алады. HEPA сүзгісіз, едендер мен беттерден алынған бұл микроскопиялық бөлшектер сіз дем алатын ауаға қайта шығуы мүмкін. Егер сіз маусымдық аллергиядан зардап шегетін болсаңыз, шаңсорғыштың микроскопиялық бөлшектер мен ұсақ шаңды тығыздауы маңызды.
