Алматы қаласындағы балалар колониясында «Сыңғырла, соңғы қоңырау!» атты мерекелік іс-шара өткізілді. №11 мекемедегі №3 жалпы білім беретін орта мектепте 2024-2025 оқу жылын барлығы 66 оқушы аяқтады. Оның ішінде 41 бала қазақ бөлімінде, 25 бала орыс бөлімінде оқыды.
Ал орта мектепті биыл 17 жасөспірім бітіргелі отыр. Тағдырдың тар жолынан тайып кеткен балалар да қатарларынан қалмай білім алуда. Олар жазалы болып жүрсе де қолдарына орта мектепті бітіргені туралы аттестат алып, болашақта жоғарғы оқу орнына түсуді мақсат етеді.
Соңғы қоңырауда мекеме бастығы әділет полковнигі А. Сүлейменов мектеп оқушыларын оқу жылының аяқталуымен құттықтап, олардың білім алудағы жетістіктерін атап өтті. Сондай-ақ мекеме басшысы мен мектеп ұстаздары орта мектеп түлектеріне қоғамға білімді азамат болып оралуларына тілектестік білдірді.
Алдағы уақытта 8 және 10-сынып оқушылары сыныптан сыныпқа көшу емтихандарын, 9 және 11-сынып оқушылары мемлекеттік емтихан тапсырады.
Соңғы қоңырауда оқушылар да ұстаздарына арнаған өлеңдерін оқып, мерекелік іс-шараның сәнін келтірді.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
