ЗК-169/1 тергеу изоляторынң кадр бөлімінің қызметкерлері қатардағы және кіші басшы құрамның бос лауазымдарына үміткерлерді іріктеу бойынша кәсіби бағдарлау жұмысын жүргізді.
Олар Қызылордадағы Ұлағат колледжінің соңғы курс студенттерімен кездесті. Кездесу барысында кадр саясат бөлімінің аға инспекторы, әділет аға лейтенанты Д.Шахи мен кәсіби қызметтік және денешынықтыру даярлығы жөніндегі инспекторы, әділет аға лейтенанты М.Тұрымбетов қылмыстық-атқару жүйесіне түсу тәртібін, қызмет өткеру жағдайларын және кандидаттарға қойылатын талаптарды түсіндірді.
Кездесу диалог түрінде өткендіктен, кадр саясаты бөлімшелерінің қызметкерлері студенттердің барлық сұрақтарына жауап беріп, соңында ҚАЖ органдарына қызметке тұру үшін өтініш жасай алатын байланыс деректерін қалдырды.
Студенттер қылмыстық атқару жүйесі жұмысының барысымен жақыннан таныстырғандары үшін погондағы қызметкерлерге алғыстарын білдірді. Осындай іс-шаралар олардың құқық қорғау органдарына деген оң көзқарасын қалыптастырып, мамандық таңдауға көмегін тигізетінін айтты.