Атырау облысы бойынша Қылмыстық-атқару жүйесі департаментінің 79 мекемесі жанындағы колледже білім алушы сотталғандар арасында салауатты өмір салтын насихаттау мақсатында «Көңілді старт» атты спорттық спартакиада ұйымдастырылды. Шараға колледжде білім алушы сотталған азаматшалар белсене қатысып, түрлі спорттық эстафеталар мен ойындар арқылы өздерінің дене дайындығы мен ұйымшылдығын көрсетті. Іс-шараның негізгі мақсаты салауатты өмір салтын қалыптастыру, спортқа деген қызығушылықты арттыру және ұжымдық рухты нығайту болды. Қатысушылар көтеріңкі көңіл-күймен жарысқа түсіп, достық пен татулық аясында белсенділік танытты. «Көңілді старт» спартакиадасы колледж ұжымы үшін жарқын әрі есте қаларлық күн болды.