Филиппинде қуатты жер сілкінісі болды 

Филиппинде 8 маусымға қараған түні магнитудасы 7,8 болатын жер сілкінісі тіркелді. Осыған байланысты цунами қаупі туралы ескерту жарияланды.

Жерасты дүмпулері Филиппиннің оңтүстігіндегі Минданао аралы жағалауында тіркелген.

Германияның Геофизикалық зерттеулер орталығының (GFZ) мәліметінше, жер сілкінісі 10 шақырым тереңдікте болған. Филиппин мен көршілес Индонезияның геофизикалық агенттіктері цунами қаупі туралы ескерту таратты. Әзірге екі елде де ірі қираулар туралы ақпарат түскен жоқ.

Алғашында GFZ жер сілкінісінің магнитудасын 8,2 деп бағалаған. Ал Филиппиннің Phivolcs агенттігі оның магнитудасы 7,0 болғанын хабарлап, биіктігі бір метрден асатын цунами толқындары бірнеше сағат бойы жалғасуы мүмкін екенін ескертті.

Индонезияның метеорология, климатология және геофизика агенттігі (BMKG) жер сілкінісінің магнитудасын 7,7 деп бағалады.

Бұл – біздің өмірімізде бастан өткерген ең күшті жер сілкінісі, – деді Сарангани провинциясындағы Алабель қаласының полиция басшысы Бенджи Анчета.

Индонезияның Манадо қаласындағы тұрғындар да жер сілкінісінің өте қатты сезілгенін айтты.

Әлеуметтік желілерде Филиппиннің Генерал-Сантос қаласында (жергілікті атауы – Генсан) ғимараттың құлау сәті түсірілген бейне тарады.

Алайда әзірге зардап шеккендер немесе қаза тапқандар туралы ақпарат түскен жоқ.

Жер сілкіністерін бақылайтын сайттардың мәліметінше, Филиппинде жерасты дүмпулері қатарынан екінші күн болып тіркеліп жатыр.

БАҚ өкілдері Гонолулуда да жер сілкінісі болғанын хабарлауда. Сонымен қатар Тынық мұхиты жағалауында орналасқан Филиппин, АҚШ-тың батыс жағалауы, Индонезия, Палау, Жап аралдары (Микронезия Федеративтік Штаттарының төрт штатының бірі), Тайвань және Папуа – Жаңа Гвинея елдері мен осы аумақтарда цунами қаупі жарияланды.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.