Елімізге биыл 3 миллион турист келген

Ұлттық қауіпсіздік комитеті Шекара қызметінің мәліметінше, осы кезеңде 2,47 миллион қазақстандық шетелге шыққан болса, елімізге 3 миллион адам келген, – деп хабарлайды aqshamnews.kz тілшісі.

Туристер санының артуы қонақүй бизнесіне де оң әсерін тигізді. Биылғы 1 сәуірдегі жағдай бойынша Қазақстанда туристерді қабылдайтын орналастыру орындарының саны 4 505-ке жеткен. Бұл өткен жылдың сәйкес кезеңімен салыстырғанда 192 нысанға көп.

Қаңтар-наурыз айларында қонақүйлер мен басқа да орналастыру орындары 2 миллион келушіге қызмет көрсеткен. Оның ішінде 802 мыңнан астам адам еліміздің курорттық аймақтарында демалған.

Саладағы қаржылық көрсеткіштер де өсім көрсетіп отыр. Бірінші тоқсанда орналастыру орындары көрсеткен қызмет көлемі 69,4 миллиард теңгені құрады. Бұл өткен жылдың осы кезеңімен салыстырғанда 13,9 пайызға жоғары. Былтырғы алғашқы үш айда бұл көрсеткіш 61 миллиард теңге болған.

Қазақстанда жоғары санаттағы қонақүйлердің қызметіне сұраныс та сақталуда. Қазіргі уақытта елде 23 бес жұлдызды қонақүй жұмыс істейді. Биылғы алғашқы тоқсанда олар 158 мың қонақты қабылдаған.

Ал 45 төрт жұлдызды қонақүйде үш ай ішінде 113,5 мың адам орналасты. Үш жұлдызды санаттағы 26 қонақүйдің қызметін 58,9 мың қонақ пайдаланған.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.