Дрондар жол ережесін бұзғандарды анықтайды: Қазақстан жолдарында бақылау күшейтілді 

Қазақстанда жол қауіпсіздігін цифрлық технологиялар арқылы бақылау күшейтілді.

Ішкі істер министрлігі Әкімшілік полиция комитеті төрағасының орынбасары Бағланбек Айтпаевтың айтуынша, полиция:

  • дрондарды;
  • патрульдік көліктердегі мобильді кешендерді;
  • орташа жылдамдықты бақылау жүйелерін;
  • лазерлік қондырғыларды пайдаланады.

Оның айтуынша, цифрлық шешімдер жол ережесін бұзу деректерін анықтап қана қоймай, қауіпті жағдайларға жедел әрекет етуге мүмкіндік береді.

Жылдамдықты жақсы көретіндер, сондай-ақ жол қозғалысы ережелерін өрескел бұзатындар енді жауапкершіліктен жалтара алмайды. Өйткені жол ережесін бұзу деректері әуеден тіркеліп жатыр, – деді Айтпаев.

Дрондар жолдағы жағдайды әуеден бақылап, полицияға құқық бұзушылықтарға жедел әрекет етуге көмектеседі. ІІМ атап өткендей, мұндай жүйенің басты міндеті – тәртіп бұзушыларды жауапкершілікке тарту ғана емес, жол апаттарының алдын алу.

Тағы бір құрал – патрульдік көліктерге орнатылған мобильді кешендер. Олар көлік ағынының ішінде жүріп-ақ жүргізушінің рөлде телефон пайдалануын, жаяу жүргіншілерге жол бермеуін, жылдамдықты асыруын және маневр жасау ережелерін бұзуын тіркеуге мүмкіндік береді.

Қала сыртындағы тасжолдарда жылдамдықты бақылау үшін орташа жылдамдықты анықтау жүйесі қолданылады. Ол көліктің белгіленген нүктелер арасындағы қозғалысын талдайды. Қазір мұндай жүйе республикалық маңызы бар 12 негізгі бағытта жұмыс істейді.

Түнгі уақыт пен күрделі ауа райы жағдайларына да ерекше назар аударылады. Жол-көлік оқиғаларының алдын алу үшін полиция лазерлік жүйелерді пайдаланады. Олар қауіпті жағдайларды, соның ішінде жүргізушілердің шаршауына байланысты туындайтын қауіптерді анықтауға көмектеседі.

Сонымен қатар жолдың жекелеген учаскелерінде жолдың жүру бөлігін жасанды түрде тарылту тәсілі қолданылады. Мұндай шара жүргізушілерді жылдамдықты төмендетіп, жолға мұқият болуға ынталандыруға бағытталған.

Бұл шаралардың барлығы азаматтардың қауіпсіздігін арттыруға, сондай-ақ жолдардағы апат санын азайтуға бағытталған, – деді Бағланбек Айтпаев.

ІІМ өкілдері цифрлық бақылауды дамыту жолдарды жүргізушілер үшін де, жолаушылар үшін де қауіпсіз етуге тиіс екенін атап өтті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.

Қазақстан әйелдері үй шаруасына ерлерден 3,2 есе көп уақыт жұмсайды 

Қазақстандық әйелдер үй шаруасына ерлерге қарағанда 3,2 есе көп уақыт бөледі. Сонымен қатар ақылы және ақы төленбейтін еңбекті қоса есептегенде, әйелдердің жалпы жұмыс күні ерлерге қарағанда әлдеқайда ұзақ.

Безопасное будущее начинается сегодня

БЕЗОПАСНОСТЬ РЕБЕНКА НАЧИНАЕТСЯ ЗАДОЛГО ДО ЧРЕЗВЫЧАЙНОЙ СИТУАЦИИ – С ДОСТУПНОЙ МЕДИЦИНСКОЙ ПОМОЩИ, ПОДГОТОВЛЕННОГО ПЕДАГОГА, ЗАЩИЩЕННОЙ ШКОЛЬНОЙ СРЕДЫ И СВОЕВРЕМЕННОЙ ПОДДЕРЖКИ СЕМЬИ. ЭТИ ЗАДАЧИ ОБЪЕДИНИЛА КОНЦЕПЦИЯ «ДЕТИ КАЗАХСТАНА», РЕАЛИЗАЦИЮ КОТОРОЙ, ПЕРВЫЕ РЕЗУЛЬТАТЫ И ПРОБЛЕМЫ МЕЖВЕДОМСТВЕННОГО ВЗАИМОДЕЙСТВИЯ ОБСУДИЛИ ДЕПУТАТЫ КУРУЛТАЯ В ХОДЕ ПРАВИТЕЛЬСТВЕННОГО ЧАСА.

Қазақстанның ұлттық қауіпсіздік комитетін кім басқаратын болды?

Мемлекет басшысының жарлығымен Марат Ғатаұллаұлы Ирменов Қазақстан Республикасы ұлттық қауіпсіздік комитетінің төрағасы болып тағайындалды.