Диманың арманы — көк байрақты көкте желбірету

Дима — бір аяғынан айырылғанына қарамастан, өмірге деген құлшынысын жоғалтпаған ерекше жан. Ол грек-рим күресімен айналысып, өзінің қайсар мінезі мен мықты рухының арқасында талай биікті бағындырып келеді. Оның басты арманы — 2027 жылы Паралимпиадада Қазақстанның көк туын көкте желбірету!

Оның табандылығы мен батылдығы — жастарға үлгі, нағыз мотивация көзі.

Халықаралық күрес күніне орай,Диманың осындай үлкен арманына сенім артқан Абай облысы бойынша ҚАЖД №21 қауіпсіздігі төмен мекеме қызметкерлері оған қолдау көрсетіп, арнайы сыйлық жасады. Бұл тек материалдық қолдау ғана емес, рухани демеу, алға жылжуға берілген сенім.

Дима – бір аяғымен емес, үлкен жүрегімен алға басып келеді. Жеңіске сенген жүрек ешқашан тоқтамайды!