Мемлекет басшысының Жарлығымен Қазақстанда Ұлттық құрылтай құрылды, — деп хабарлайды Tengrinews.kz тілшісі.
«Мемлекет басшысының Жарлығымен Қазақстан Республикасы Президентінің жанындағы Ұлттық құрылтай құрылды», — делінген хабарламада.
Ұлттық құрылтайдың негізгі міндеттері белгілі болды.
«Ұлттық құрылтайдың негізгі міндеттері:
— қоғамдық бірігуді дамыту, жалпыұлттық құндылықтарды ілгерілету және нығайту бойынша ұсыныстарды тұжырымдау және енгізу;
— жұртшылықтың, саяси партиялардың, үкіметтік емес сектор мен мемлекеттік органдардың өкілдері арасында сындарлы диалогты қамтамасыз ету;
— өз құзыретінің шеңберінде Қазақстан Республикасының заңнамасына қайшы келмейтін өзге де қызметті жүзеге асыру», — делінген хабарламада.
Президент Жарлығының толық нұсқасы «Ақорда» сайтында жарияланған.
Еске салайық, бұған дейін Президент Қасым-Жомарт Тоқаев Ұлттық құрылтай отырысын жариялағаны хабарланған болатын.
