Сайрагүл — Қытайдағы аз ұлттарға жасалып жатқан азаптауға қарсылықтың символына айнала алды. Рас, үлкен саясат бар дерсіз, бірақ, айтқанынан қайтпағаны, өзінің, бала-шаға, отбасының құқығы үшін соңына дейін күрескені көз алдымызда. Өжет әйелдің сотта қолындағы кісенін ұлынан жасырған сәтін кім ұмытар. Кішкентай адамның үлкен жеңісі бұл. Дер кезінде пана болуға шешім шығара алмаған атажұртының билігі масқара хәлде қалғандықтан да марапат туралы «Егемен» жазбас, «Қазақстан» көрсетпес. Алайда, Сайрагүлдің бұл биігі — Қазақстандағы азаматтық қоғамның да жеңісі. Нақты істің нәтижесі. Тәуелсіз журналистердің де еңбегі зор. Сайрагүл ісіне үлес қосқан, қатысқан, жанашыр болған барша жұртқа қайырлы-құтты болсын!
Әлемді сұлулық құтқарса, Қазақстанды (бір құтқарса) әйелдер құтқарады.
Фейсбуктегі парақшасынан
