Астана әкімі Жеңіс Қасымбек LRT-мен жол жүру құны қанша болуы мүмкін деген сұраққа жауап берді, — деп хабарлайды Massaget.kz тілшісі.
Сарайшық ауданы тұрғындарымен кездесуі кезінде әкім LRT-мен жол жүру құны әлі нақты анықталмағанын айтты.
«Жоба бойынша бағалар 100-ден 200 теңгеге дейін болды, әзірге осы параметрлерде қалады», — деді Жеңіс Қасымбек.
Еске салайық, бұған дейін Астанадағы алғашқы LRT станциясының видеосы пайда болды.
Астана халықаралық әуежайы аумағындағы Қабанбай батыр даңғылында орналасқан 101-станцияның ішінде эскалаторлар мен интерактивті экрандар бар, ал ол арқылы елорданың кадрлары көрсетіледі.
