Сәрсенбі, 27 наурызда Астананың қылмыстық істер жөніндегі мамандандырылған ауданаралық сотында Қуандық Бишімбаевтың ісі бойынша жабық сот отырысы өтеді. Бұл туралы соттың баспасөз қызметі хабарлады, — деп хабарлайды Tengrinews.kz тілшісі.
Ертең жиында бұрынғы ұлттық экономика министрінің ісі бойынша алқабилерге кандидаттарды іріктеу өтеді.
«Алқабилер алқасы 12 адамнан құрылады (10 негізгі және 2 қосалқы). Іріктеу алқабилердің жеке басын жария ету мүмкіндігін болдырмау үшін жабық сот отырысында жүргізіледі», — деп хабарлады сотта.
Еске салайық, наурыздың басында әйелі Салтанат Нүкенованы өлтірді және азаптады деп айыпталған Қуандық Бишімбаевтың ісін алқа билер алқасы қарайтыны белгілі болды. 27 наурызға белгіленген негізгі сот отырысына бір тізім бойынша 300 алқабиге кандидат шақырылады.
