14 мамырдан кейін утильалымды ескі тариф бойынша төлеген қазақстандықтарға алым мөлшері қайта есептеліп, 250 миллион теңгеден аса ақша қайтарылды, — деп хабарлайды Tengrinews.kz тілшісі.
«Төлемдерді қайтаруға және (немесе) есепке жатқызуға 2022 жылғы 14 мамырдан бастап (қоса алғанда) берілген утильалым өтінімге негіз болады. Осылайша, 14 мамырдан бастап оператор ескі тарифтері бойынша утильалым төлеген тұлғаларға 250 миллион теңгеден аса ақшаны қайтарды», — деді «Жасыл даму» АҚ баспасөз қызметі өкілдері.
Қалдықтарды жинаудың ұлттық операторы 2022 жылғы 14 мамырдан бастап қарауға ұсынылған қайта өңдеу төлемін жүзеге асыруға өтінімдер бойынша қайтарылған қаражатты қайтару және (немесе) есепке жатқызу мүмкіндігі туралы еске салды.
