Қазақстанда карантинді күшейту мәселесін шенеуніктер ВАК отырысында талқылайды. Бұл туралы премьер-министрдің орынбасары Ералы Тоғжанов мәлімдеді, — деп хабарлайды Tengrinews.kz тілшісі.
Ол елде әзірге төтенше жағдай жоқ екенін айтты.
«Вакцинация — басты мәселе. Әзірге төтенше жағдай жоқ, бірақ науқастар саны өскен жағдайда маска тағу режимі қайтарылуы мүмкін. Қазір тәулігіне 100 адамға дейін өсу бар. Карантин шараларын күшейту мәселелерін ВАК отырысына шығарамыз. Маска бойынша ғана емес, жалпы шаралар бойынша», — деді Тоғжанов.
