Мәжіліс төрағасы Ерлан Қошанов Парламент палаталарының бірлескен отырысын шақыру туралы өкімге қол қойды, — деп хабарлайды Tengrinews.kz тілшісі Мәжілістің баспасөз қызметіне сілтеме жасап.
«Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті палаталарының бірлескен отырысы 2022 жылғы 30 маусымда сағат 10-да Нұр-Сұлтан қаласында шақырылсын», — делінген өкім мәтінінде.
Еске салайық, кейінгі бірлескен отырыс 20 маусымда өткен. Онда Парламент үкіметпен бірлесіп, республикалық бюджетке түзетулерді талқылап, қабылдады.
Қазақстан Парламенті — заң шығару қызметін жүзеге асыратын еліміздің ең жоғары өкілді органы. Ол екі палатадан — Сенаттан және Мәжілістен тұрады.
