Елімізде қант қосылған сусындар қымбаттайды

Қазақстанда алкогольсіз сусындар мен шырындар қымбаттайды. Өндірушілер ассоциациясы алдағы уақытта бағаны қайта қарамақшы. Олар өз өнімдерінің құнын қанттың қымбаттауына байланысты өсірмекші, деп хабарлайды Stan.kz ақпарат агенттігі КТК арнасына сілтеме жасап. 

«Өндірушілер өз өнімдерінің бағасын ұстап тұруға тырысуда. Алайда бұл ұзаққа созыла алмайды, себебі негізгі ингредиент – қанттың бағасы өсіп жатыр. Сәйкесінше өндірушілер де тауарларын қымбаттатуға мәжбүр. Шамамен 7-20% аралығында деп ойлаймын. Қазір өндірушілердің көп бөлігі шығынды оңтайландыру жолдарын іздеп жатыр. Сонымен қатар жұмысшылар санын қысқарту да бар», – деді Алкогольсіз ішімдік өндірушілері ассоциациясының президенті Әлия Мамытбаева. 

Қант соңғы үш айда айтарлықтай қымбаттай түскен. EnergyProm сарапшыларының мәліметінше, тек наурыз айында баға 33%-ға, бір жылда екі есеге өскен. 

Көктемнің басында ең қымбат қант Нұр-Сұлтанда сатылған. Мұнда тұтынушылар бір келісі үшін 450 теңге төлеген. Кейінгі орынға Алматы мен Қостанай орналасты. Ал ең арзан қант Тараз қаласында болды. 

Қазір Алматыдағы азық-түлік дүкендерінде қант 500-650 теңгеге сатылып жатыр. Шақпақ қанттың бір қаптамасының құны 1 000 теңгеге дейін жетеді. Сондай-ақ елде қант өндірісі де қысқарған. Отандық зауыттар қаңтар мен наурыз айларының аралығында 51 мың тонна қант өндірген. Бұл өткен жылғымен салыстырғанда 20%-ға аз. 

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.